نشر الممثل يوسف حداد صورة لنعوش شهداء مجزرة ايطو وعلق " اسرائيل ارهابية " وكتب أحد أبطال مسلسل " الغالبون " : اكتر من خمسة عشر سنة وبسبب ظروف شغلي كنت اطلع عالجنوب يوميا وصول وجول بالقرى والمدن ولمدة شهور واقعد مع اكرم الناس واشرفهم واطيب قلوب واصفاها ببيوتن المفتوحة بمحبة ودايما كنت اسألهم يا عمي ليش عم بتعمرو بيوت  وفلل وقصور ومعامل ومحلات وتستثمرو وانتو عارفين بالحرب الجايي وجايي رح يدمرهم عدونا الصهيوني المجرم
وكل مرة كنت اسمع نفس الجواب
مش مهم فدا المقاومة والسيد حسن ونحنا مش بس ارزاقنا اولادنا كمان فدا الارض والعيش بكرامة
والله بحبكم من قلبي♥
والله انتو اهلي من الناقورة ل حولا وعربصاليم وكفرصير والعديسة والبازورية وعيترون وشوكين والنبطية ومجدل سلم وصور وقانا والمنصورة وقليلة وعيتا الشعب وكفركلا ويارون وكفر رمان وبليدا ومارون الراس ورميش والعيشية وربنا يحفظكم وينصر شبابنا الابطال ل عم يكتبو تاريخ جديد بالملاحم والتنكيل بجيش العدو وترجعو مرفوعين الرأس